le ciel de whitepig

版权声明：转载时请以超链接形式标明文章原始出处和作者信息及本声明
http://whitepigciel.blogbus.com/logs/10621617.html

     好耐冇更新~皆因最近忙到颠，business plan、IC既report、英国文化既presentation、泛读既reading memo、精读期中考仲有院运全部都堆晒系呢个星期……但系越多野做就越唔想做，成个人好郁闷，于是今日颓废咗一日，顺便上来扫下尘~

     讲下上星期翻咗执信~越来越少人翻啦，06似乎每个班都系得两三个左右~然后见咗许文学、董燕、王洁仲有许主任~许文学结咗婚之后发福不少，睇来比个老婆照顾得几好，有强烈欲望想见下佢老婆咩样……董燕好似一年比一年后生，话佢系学生真系有人信架！王洁病完一场之后好似憔悴咗，同埋记忆力差咗，好彩佢仲记得我系边个姐！然后都冇点见到其他老师了……执信真系物是人非，靓仔靓女都多咗唔少，望上去好似基本上都唔错*.*~唔通我眼光级数又低咗……- -|||

     跟住第二日去咗大学城，先去探咗好耐冇见既小韵韵，我同晶又帮佢上课啦，不过我觉得我地都系浪费口水~小韵韵17 18号翻来珠海玩，期待下先~然后中午去咗mmt，特别鸣谢良奇既BG！！下昼就去咗传说中既unimall一探究竟，经实践鉴定果然系FB既好地方，除咗地理位置比较偏僻之外……睇来都系珠海呢D安静既地方比较适合我呢种好学生专心读书，嗯嗯~

     前几日上网乱逛，逛到去Miffy既Q-ZONE，见到果件事最终都系发生咗，佢仲为呢件事喊咗好多次，好伤心……突然觉得好心up，9月初去澳门果阵佢地仲好恩爱，点解感情可以话变就变？话晒一齐咗4年，来到今时今日真系好唔容易，异地果两年都系甘坚持过去了，唔通感情真系经唔起距离既考验……系Q度见到佢上线，想安慰佢，但又怕勾起佢伤心事~希望佢可以早日企翻起身，走出呢段感情既阴影，追寻新既幸福啦~毕竟要放低一段4年既感情，真系好难…………

      星期一既精读仲有下星期既法文期中考要比心机啦~计划听日去泡馆，远离电脑诱惑，over……