le ciel de whitepig

版权声明：转载时请以超链接形式标明文章原始出处和作者信息及本声明
http://whitepigciel.blogbus.com/logs/10135794.html

      近排特别多喜事~阿妈同老豆30号先去完澳门饮,新娘系阿妈多年朋友个大女,系观光塔大摆48围,听讲好豪,新郎仲系歌手来添,D兄弟基本都好靓仔~有D后悔果阵冇签多次澳门过去饮添,呵呵~

      今日就轮到堂大佬同堂嫂拉埋天窗啦!!!中午去到佢屋企已经成屋都系人...兄弟姊妹亲戚朋友,虚撼...阿嫲仲系度话,阿珊(我表姐)同阿敏(堂大佬)都结完婚啦,下个轮到你啦~唉,你古揾个人过人世,话咁易咩~虽然我都已经两张野,到晒法定结婚年龄,但系我仲系觉得结婚系离我好遥远好遥远既一件事~惟有顺其自然啦~然后晚黑就去咗广州酒家饮,"今天你要嫁给我"呢只歌不断循环播放,成晚都喜气洋洋~仲有段小插曲,新娘来敬茶果阵D姊妹一齐讲"饮杯新抱茶,富贵又荣华",表姐就"润"我堂大佬,"饮杯新抱茶,听晒老婆话",哈哈!希望堂大佬同堂嫂甜甜蜜蜜,白头偕老,早生贵子啦~睇来我做咗人地表姨10年之后,好快又多个"姑姐"身份lu....真系老啦>.<!